KHANSELE YA MAINA A TIKOLOGO YA AFRIKA BORWA
TALETŠO YA DITŠHIŠINYO TŠA MAINA
Kgoro ya Setšo le Bokgabo e mema maloko a setšhaba go šišinya maina a batho bao ba tlago šoma bjalo ka maloko a Khansele ya Maina a Mafelo ya Afrika Borwa. Khansele e tla ba le maloko a go se fete 25 mo e lego gore 12 ke baemedi ba diprofense, Posokantoro ya Afrika Borwa, Bolaodibogolo: Ditekolo le Go dira Mebapa le Boto ya Dipolelo Ka moka Tša Afrika Borwa.
Modiro wa SAGNC ke go eletša Tona ya Bokgabo le Setšo ka ga tekanetšo le mongwalo wa maina a mampsha ao a akantšwego le go fetola, go tloša goba go bea bakeng sa le lengwe maina ao a sa lego gona.
Bašišinywa ba be le tsebo goba ba be le bokgoni ka mo go mafapha a latelago:
Tikologo, Ditekolo, Go dira Mebapa
Dipolelo tša Semmušo le tšeo di Amogetšwego le Thutapolelo ka kakaretšo
Setšo, Bohwa le Boeti
Maloko a SAGNC ga ba hwetše megolo, eupsha ba bušetšwa tšhelete ya ditshenyegelo tšeo di tshwalanego le go šoma mo go Khansele.
Motho mang le mang yo a ratago go šišinya maloko a SAGNC o swanetše go romela:
a lengwalo leo le nago le maina ka botlalo, atrese, mogala le dinomoro tša fekse tša mošišinywa le go fa mabaka a tšhišinyo;
c kanego ye kopana yeo e saennwego ke mošišinywa, mo a dumelago tšhišinyo;
d maina a bahlatsedi ba bararo bao go ka ikopanywago le bona ka mabaka a go hlatsela.
Ga gona tšhišinyo yeo e tla go hlokomelwa ka ntle le ge ka moka tše di lego ka godimo di tsentšwe ka gare.
Ditšhišinyo di swanetše go fihlela go Molaodipharephare, Kgoro ya Bokgabo le Setšo, Private Bag X897, PRETORIA, 0001, goba di ka romelwa ka fekse go 441 3624/441 3570 ka goba pele ga 15 June 2007.
